អង្គការ​សហការ​គ្រប់ជ្រុងជ្រោយ​ដើម្បី​កម្ពុជា​ (អង្គការ​សហការ​ - ICC) គឺជា​អង្គការ​គ្រីស្ទបរិស័ទ​ក្នុងស្រុក​ ដែល​ផ្តោត​លើការអភិវឌ្ឍ​ និង​ពង្រឹង​ស្មារតី​សហគមន៍​ នៅ​ប្រទេសកម្ពុជា​។ គម្រោង​លើក​កម្ពស់​ការងារ​ប្រយុទ្ធ​ប្រឆាំង​នឹង​អំពើ​ជួញ​ដូរ​មនុស្ស​ ការ​ការពារ​ និង​ជីវភាព​ប្រកបដោយ​និរន្តរភាព​នៃ​អង្គការ​សហការ​ (ICC) ត្រូវ​បាន​រៀបចំឡើង​ ដើម្បី​ចូលរួម​ចំណែក​ក្នុង​ការ​ ប្រយុទ្ធ​ប្រឆាំង​នឹង​ជួញ​ដូរ​មនុស្ស​ ដោយ​នឹង​ធ្វើការ​ដោយ​ផ្ទាល់​ជាមួយ​សង្គម​ស៊ីវិល​ អាជ្ញាធរ​មានសមត្ថកិច្ច​ និង​អ្នកភូមិ​ក្នុង​មូលដ្ឋាន​ ស្រុក​ព្រះ​ស្តេច ដើម្បី​ប្រមូល​ផ្តុំ ធ្វើ​កិច្ច​ខិតខំ​ប្រឹងប្រែង​រួមគ្នា​ ក្នុង​ការ​ការពារ​ក្មេង​ៗ យុវជន​ និង​ប្រជាជន​វ័យក្មេង​ពី​ការ​ជួញ​ដូរ​មនុស្ស​ ទាសភាព​សម័យ​បច្ចុប្បន្ន​ និង​ការ​ចំណាកស្រុក​ដោយ​មិនមាន​សុវត្ថិភាព​។